RECETA/ Vegjetariane

Qofte me spinaq, një mënyrë për të bindur fëmijët të hanë perime

Qofte me spinaq

1 Star2 Stars3 Stars4 Stars5 Stars (No Ratings Yet)
Loading...
Persona: 4
Koha e përgatitjes: 20 minuta Koha e gatimit: 30 minuta

Një truk shumë i mirë për të bindur fëmijët të hanë perime, është t’i ‘fshehim’ ato tek qoftet, një gatim të cilit nuk para i thonë ‘jo’. Si thoni atëherë për qofte me spinaq? Kjo recetë kërkon pjekjen e qofteve në furrë, duke e bërë këtë pjatë akoma më të shëndetshme. Spinaqi është i pasur me veti të rëndësishme për shëndetin. Qoftet me spinaq janë gjithashtu një ide e mirë nëse keni miq për darkë ose doni të përgatisni një antipastë të veçantë.

Ingredientët

  • 1 kg spinaq
  • 2 vezë
  • 1 lugë manxuranë
  • 1 lugë gjelle parmixhan i grirë
  • Pak miell qiqrash
  • 2 qepë të njoma
  • 3 lugë vaj
  • Kripë

Udhëzimet

1

Bashkoni spinaqin e larë mirë me manxuranën, qepët e njoma të grira imët, shtojuni kripë dhe lërini në zjarr mesatar derisa të zbuten.

2

Kur të ftohet kjo përzierje, grijeni në mikser duke i shtuar pak vaj, parmixhanon dhe vezët. Shtoni pak miell qiqrash për ta bërë masën kompakte.

3

Krijoni qoftet duke formuar topa nga masa e brumit. Kalojini ato në miell dhe vendosini në një tepsi të lyer me vaj. Piqini në furrë për 15-20 minuta duke i kthyer nga ana tjetër.

4

Shërbejini me majonezë të përgatitur vetë ose salcën tuaj të preferuar.

You Might Also Like

No Comments

Leave a Reply