RECETA/ Vegjetariane

Qofte me bukë dhe erëza

Një pjatë e dytë vegjetariane me qofte të buta të aromatizuara me bimë aromatike, me salcë domatesh, ideale për një darkë të lehtë. Qoftet me bukë dhe erëza janë të thjeshta për t’u përgatitur dhe shumë ekonomike, perfekte për të përdorur bukën e mbetur dhe për të sjellë në tryezë një pjatë të shijshme.

Përbërësit:

  • Pak miell
  • 30 gr djathë grana i grirë
  • 1 tufë manxuranë e thatë
  • Vaj ulliri e.v
  • Vaj kikirikësh
  • 1 qepë
  • Piper i zi
  • 1 tufë majdanoz
  • Kripë
  • 1 tufë trumëz
  • 3 vezë
  • 500 gr domate të cilave u keni hequr cipën ose kavanoz domatesh të konservuara
  • 200 gr bukë
  • 1 thelpi hudhër

Grini imët manxuranën, trumzën dhe qepët mënjanë. Grini domatet. Fruloni bukën në mikser me vezën, 2/3 e erëzave të grira, djathin e grirë, kripë, piper, një thelpi hudhër e majdanozin.

Formoni me këtë brumë qofte me diametër 3-4 cm, kalojini në miell dhe më pas kalojini në një sitë për t’u hequr miellin e tepërt. Ngrohni pak vaj kikirikësh në zjarr të mesëm. Skuqini qoftet një nga një për 4-5 minuta derisa të marrin ngjyrë të artë. Në një tigan tjetër skuqni qepët e grira me pak vaj ulliri dhe shtoni domatet e qëruara. Gatuajini për 30 minuta.

Kullojini qoftet me një garuzhde me vrima dhe vendosini mbi një letër kuzhine. Shtojini më pas te salca dhe gatuajini edhe 10 minuta.

Në fund hidhuni erëzat e grira të mbetura.

You Might Also Like

No Comments

Leave a Reply