Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Pulë ‘alla diavola’ me erëza
Një bashkim shijesh dhe aromash që e bën mishin delikat të pulës të vijë ndryshe në tryezat tona, falë vetive të erëzave të ndryshme, limonit e hudhrës
Ingredientët
- Një pulë 1,2 kg e pastruar
- 5-6 thelpinj hudhër
- 2 limona
- 2 degëza rozmarine
- 1 lugë erëzash mix për pulë (rozmarinë, borzilok, rigon, trumëz, etj)
- Vaj ulliri e.v
- Kripë e piper
Udhëzimet
1
Përgatisni si fillim marinaturën. Shtypni thelpinjtë e hudhrave dhe qërojini. Pritini në feta, vendosini në një enë dhe bashkojini me degët e rozmarinës të lara e të thara mirë, lëngun e një limoni, dy lugë vaj dhe limonin tjetër të prerë në feta të holla, më pas përziejini mirë.
2
Merrni pulën dhe priteni në copa. Kalojini mirë copat tek marinatura e përgatitur, mbulojeni enën me qese kuzhine dhe lëreni për 3-4 orë në frigorifer, duke i rrotulluar copat herë pas here.
3
Ndisni skarën gjysmë ore para se të piqni pulën. Hiqini copat nga frigoriferi dhe kalojini në skarë. Piqeni për një orë duke i rrotulluar copat me një pincë dhe herë pas here, me një degë rozmarine, lyejini copat me marinaturën e mbetur për t’i mbajtur të buta. Hidhini kripë dhe shërbejeni me perime skare.
Lini një koment