“Produkte 100% të sigurta për të të marrë jetën”! Gazetari i njohur denoncon “vrasësit” e arave dhe serave
Gazetari i njohur Denis Dyrnjaja ka denoncuar rishtazi një rast tjetër të një shalqiri që dukshëm nuk është i shëndetshëm për t’u ngrënë.
Sipas tij, këto produkte prodhohen nga “vrasësit” e arave dhe serave dhe janë 100% të sigurta për të të marrë jetën.
Dyrnjaja përmes postimit të tij në Facebook kërkon të tërheqë veshin jo vetëm të “Autoritetit Kombëtar të Ushqimit”, por edhe të Ministrit të Bujqësisë, institucione këto që gjithnjë janë nën shënjestër sa herë ndeshemi me produkte të tilla, jashtë çdo standardi për t’u konsumuar.
Si rrjedhojë e këtyre ushqimeve që po hamë, në trupat tanë, por edhe të fëmijëve tanë ‘rritet shëndetshëm kanceri i zorës së trashë’, thekson Dyrnjaja.
Më poshtë statusi i plotë i tij:
Një kujtesë për Autoritetin Kombëtar të Ushqimit dhe Ministrin e Bujqësisë që e ka me merak produktin vendas që ta ruajmë dhe të mos i bëjmë antireklamë. Ja shiheni vetë çfarë prodhojnë “vrasësit” e arave dhe serave, produkte të mrekullueshme dhe 100% të sigurt për të të vrarë e për të të marrë jetën.
Në këtë kuadër mendova që t’i bëj reklamë një shalqiri super, sikurse duket ky nga pamja. Një pamje e mrekullueshme, aroma nuk ka të përshkruar. Dhe kështu miq janë po kaq të mrekullueshme, edhe domatet, kastravecat, qershijat, rrushi etj fruta e perime prej të cilave në trupat tanë, por sidomos të fëmijëve tanë po rritet shëndetshëm kanceri dhe ne çdo vit kemi 5500 raste shumica kancer i rectumit ose njohur ndryshe si kanceri i zorrës së trashë.
Bravo, Bravo, ushqimet që duam!
Raste të tilla të denoncimit haptazi rreth cilësisë së frutave dhe perimeve që konsumohen më së shumti në këto kohë nuk janë të pakta. Të shijosh një shalqi apo një pjepër të mirë, sidomos në kryeqytet duket të jetë shumë e vështirë.
Mbetet detyrë e autoriteteve të marrin masa dhe të mos lejojnë që të tregtohen produkte të tilla, kancerogjene për shëndetin e shqiptarëve!/neps.al
Sot në vend festohet Sulltan Nevruzi, festa më e rëndësishme e besimtarëve bektashinj. Fillimisht festohej si festa e ardhjes së pranverës dhe më vonë si ditëlindja e imam Aliut. Kjo festë zgjat tri ditë. Besimtarët shkëmbejnë vizita tek njëri-tjetri...
Përgatituni për një surprizë të këndshme nga SnapFood, platforma juaj e preferuar e ushqimit dhe argëtimit në Shqipëri! Kemi punuar pa u lodhur për të ridizenjuar aplikacionin tonë, duke i dhënë atij një pamje të re dhe të freskët...
Në aplikacionin Snapfood, çdo student mund të regjistrohet me kartën e tij të studentit dhe të përfitojë bonuse, ulje për porositë e shumë privilegje! Sapo regjistrohet në aplikacion, secili student përfiton një bonus prej 100 lekësh që depozitohet në...
Lini një koment