Për një shtëpi të pastër nuk duhen superfuqi. Ja 5 rregulla minimaliste

Të gjithë ne kemi vizituar shtëpinë e një të afërmi apo miku, ku gjithçka qenë në vendin e vet, pjatat e lara dhe asnjë grimcë pluhuri. Ndonjëherë ne mendojmë se duhet të jesh i talentuar për të mbajtur shtëpinë pastër, por në fakt nuk është kështu.

BrightSide ka përmbledhur në 5 pika, sesi të mbajmë shtëpinë pastër, pa u stërmunduar.

Neps.al i rendit më poshtë për ju:

Së pari ka një diferencë mes rregullsisë dhe pastërtisë
Një shtëpi mund të jetë rrëmujë, por ama edhe e pastër. Nëse gjithçka do të jetë në vendin e saj, imagjinoni sa e pastër do të dukej shtëpia apo jo? Rregullsia është çelësi kryesor për një shtëpi shembullore.

Mos mbani sende të panevojshme
Gjërat që nuk ju duhen më, thjesht nuk duhet t’i mbani në mjedisin ku jetoni. Duhet t’i mbani ato në magazina apo bodrum. Rezulton se rrëmuja më e madhe në shtëpi, vjen prej sendeve që i përdorim rrallë ose aspak. Mbani mend gjithashtu, të mos blini produkte të panevojshme për shtëpinë tuaj ose gjëra të përsëritura mbi 2-3 herë. Si për shembull 4 krehëra dhe 3 fshesa.

Mbani një kuti për gjërat që janë, aty ku nuk duhet të jenë
Kështu të gjithë rrëmujën “e fusni” brenda një kutie. Sapo miqtë ikin, kutia hapet. Pyetjen se ‘ku e latë hekurin’, me gjasa nuk do e bëni më.

Kontrollojeni dhomën para se të dilni
Qumështin fute në frigorifer, çantën në garderobë dhe librin vendose tek biblioteka.

Pastrojeni ambientin ku rrini si një mënyrë për t’u çlodhur dhe argëtuar
Nëse i ktheni punët në një ritual relaksues, është mirë si për shtëpinë ashtu edhe për shëndetin tuaj psikologjik./neps.al