Pasta me salcë perimesh dhe bukë të grirë

Një pjatë e parë vegane e thjeshtë për t’u përgatitur, perfekte për ata që dëshirojnë diçka të lehtë pa hequr dorë nga shija: pasta me salcë perimesh dhe peksimadhe (bukë e thekur e grirë). Nëse dëshironi t’i jepni një aromë më të veçantë, mund t’i shtoni disa gjethe borziloku.

Përbërësit:

• 320 gr pasta s’mola
• 120 gr bizele
• 2 kungulleshka
• 40 gr bukë e thekur e grirë
• 4 lugë perime mikse të ngrira
• 12 gjethe mente
• Vaj ulliri e.v
• 1 domate e pjekur
• Kripë
• Piper

Përgatisni perimet. Merrni kungulleshkat, lajini dhe pritini në kube rreth 5 mm. Hidhini në ujë të vluar të kripur kut do të zieni edhe pastat më pas. Lërini kubet e kungulleshkave për 2 minuta. Kullojini me anë të një garuzhdeje me vrima. Më pas hidhni aty 150 gr bizele dhe lërini për 2-3 minuta. Kullojini dhe ftohini në ujë të ftohtë me akull në mënyrë që të ruajnë ngjyrën. Fusni në ujë të vluar edhe domaten për disa sekonda, më pas hiqin lëkurën, farat dhe priteni në copa.

Përgatisni salcën. Ngrohni në një tigan pak vaj ulliri dhe kaloni aty bukën e grirë të thekur (peksimadhet) për 2-3 minuta në nxehtësi të lartë. Lërini të ftohen pak dhe spërkatini me 5 gjethe menteje të copëtuara me gishta dhe piper. Ngrohni 2-3 lugë vaj dhe skuqni perimet mikse për 3-4 minuta në zjarr të ulët. Shtoni aty edhe perimet që kaluat në ujë valë më parë, lërini për 2-3 minuta, rregullojini me kripë e piper dhe fikni zjarrin.

Kompletoni pjatën. Në ujin ku zjetë perimet gatuani pastat në bazë të kohës së treguar në paketim. Mbani mënjanë 2 lugë ujë nga zierja e tyre. Kullojini më pas hidhini në tiganin me perime. Shtoni edhe dy lugët e ujit nga gatimi. Përziejini, lërini për një minutë dhe fikeni zjarrin.

Shërbejini. Spërkatini me bukën e thekur të grirë të kaluar në tigan, gjethet e mbetura të mentes, përziejini dhe shërbejini.