Ushqimi është një dashuri më vete, pa të cilën e kemi të pamundur të jetojmë! Persona të ndryshëm kanë shije të ndryshme dhe sigurisht shije tradicionale që nuk mungon kurrë në tryezat e familjes.
Kështu edhe këngëtarja me origjinë shqiptare Dua Lipa, pavarësisht se e rritur në Londër dhe e mësuar më ushqimet tradicionale londineze, nuk mund t’i rezistojë ushqimit të preferuar të shqiptarëve. Pitet e mbushura duket se janë një nga ushqimet e preferuara të këngëtares, e cila në një intervistë ka treguar se pëlqen shumë pitet e mbushura.
Recetën që të gatuani pite si Dua, e keni këtu:
Në fillim merrni piten dhe lyejeni të gjithën me krem djathi.
Vendosni domatet qershi të ndara përgjysmë, piperin, djathin e grirë, proshutën e pulës, fletat e sallatës të lara mirë dhe rrotullojeni piten me kujdes.
Ndajeni përgjysmë dhe vendoseni në një tavë.
Futeni në furrë për 10 minuta në temperaturë 180 gradë.
Merrni një pjatë dhe vendosni pak sallatë të prerë imët, 2 domate qershi përgjysmë dhe pak piper të kuq.
I vendosni sipër piten e ndarë në disa pjesë të vogla.
Grini sipër djathin e grirë dhe sherbejini.
Lini një koment