Mish qengji i zier me argjinare dhe majdanoz

1.Pastrojeni mishin e qingjit, ndajeni nga kocka dhe priteni në copa relativisht të mëdha, të barabarta. Shpëlajeni mirë me ujë të bollshëm.

2.Vëreni mënjanë dhe thajeni mirë.

3.Ndërkohë merrni një enë të thellë dhe hidhni në të disa lugë vaj ulliri dhe thelpinjtë e qëruar të hudhrës.

4.Pasi të kenë marrë ngjyrë të lehtë shtoni mishin e qengjit dhe kavardiseni në zjarr të fortë, derisa copat të kenë marrë totalisht ngjyrë të kuqe dhe më pas uleni zjarrin.

5.Shtoni gjysmë gote verë të bardhë, kripë dhe piper dhe lërini në zjarr për gjysmë ore, të mbuluar me kapak.

6.Mos harroni që është mirë të shtoni edhe një gjysmë gote ujë, në mënyrë që mishi të mbetet i butë.

7.Gjatë kohës që mishi zien, vazhdoni me pastrimin e angjinareve.

8.Qëroni pjesën e bishtit dhe hiqni gjethet e jashtme, ato të fortat, ndajeni në katër pjesë dhe hiqni pjesën e brendshme.

9.Hidheni në tenxheren e mishit dhe shtoni edhe një gjysmë gote ujë.

10.Kur përbërësit të jenë zier aq sa duhet, hiqeni nga zjarri dhe servireni nëpër pjata.

11.Mund ta spërkatni mishin me bukë të grirë dhe lëngun e zierjes ta shtoni në pjatë.

12.Për shije mund të vendosni edhe majdanozin e freskët, të grirë.