Liker borziloku, receta për një digestiv të freskët dhe aromatik

Me aromë shumë të veçantë, borziloku është perfekt jo vetëm për pjatat e para (pestot, pastat), por edhe të dytat (peshkun) e sallatat (sidomos ato me bazë domatesh). Dhe jo vetëm: është shumë i çmuar edhe për përgatitjen e një recete antike: likerit të përgatitur në shtëpi me gjethe të freskëta borziloku.

Një digestiv i freskët, aromatik dhe shumë i volitshëm pas një darke të bollshme. Është gjithashtu një mënyrë e mirë për të përdorur borzilokun i cili edhe këtë vit në ballkonin tuaj, me siguri është me bollëk.

Përbërësit:

• 2 tufa borzilok
• 35 cl alkool
• 45 cl ujë
• 350 gr sheqer

Përgatitja:

1. Hiqni gjethet e borzilokut nga bima, lajini, thajini, vendosini në një enë me alkool, mbyllini dhe lërini për 3-4 ditë.
2. Përgatisni një shurup me ujin dhe sheqerin, ziejeni, lëreni të ftohet dhe hidheni tek ena me alkool dhe borzilok.
3. Tundeni mirë, kullojeni dhe hidheni në një shishe qelqi.