Këto kube me shafran dhe agrume i çuan ëmbëlsirat vegane në një tjetër nivel

Këto kube të arta me shije agrumesh dhe shafrani do ta bëjnë akoma më të bukur stilin vegan të jetesës. Bashkë me shijen e mirë të tyre ju merrni edhe shumë benefite si antioksidantët dhe inflamacioni i reduktuar.

Përbërësit:

Për bazën:

• 2 ¼ kupa miell
• ½ kupe sheqer
• ½ lugë çaji kripë
• ¾ kupe vaj ulliri

Për mbushjen:

• 16 gr djathë tofu i butë (djathë soje)
• 3 lugë gjelle lëkurë portokalli
• 1 kupë lëng portokalli i freskët
• 1/3 kupe sheqer
• ½ kupe niseshte misri
• 1 lugë çaji shafran Indie pluhur

Parangrohni furrën në 180 gradë Celsius. Merrni një tepsi dhe shtroni në të letër furre të cilën duhet ta spërkasni me vaj.

Përgatisni bazën:

1. Në një tas bashkoni miellin, sheqerin dhe kripën.
2. Me një pirun përzieni vajin e ullirit me këtë masë derisa të miksohen mirë.
3. Më pas hidheni këtë masë brumi tek tepsia që përgatitët. Bëni disa vija me pirun në sipërfaqe dhe piqeni për 40-45 minuta derisa të marrë ngjyrë të artë.
4. Lëreni të ftohet. Ndërsa ftohet përgatisni mbushjen. Ndërkohë furrën lëreni të ndezur në 150 gradë.

Përgatitja e mbushjes:

1. Në një procesor ushqimesh përzieni djathin tofu, lëkurën e portokallit, lëngun e portokallit, sheqerin dhe përziejini.
2. Në një tas të vogël përzieni niseshtenë e misrit dhe shafranin; shtojini në procesor ushqimesh dhe miksojini.
3. Hidheni këtë kem mbi bazën e përgatitur dhe piqeni për 30-40 minuta.
4. Lëreni të ftohet të paktën një orë ose gjithë natën para se ta shërbeni.