Vegjetarian në përgjithësi do të thotë se asnjë copë mish, shpend apo ushqim deti nuk konsumohet. Veza ose qumështi zakonisht përfshihen në një dietë vegjetariane.
Çfarë është një vegan?
Veganizmi përjashton të gjitha ushqimet e kafshëve, që do të thotë mish, shpezë, ushqim deti, vezë, qumësht, ose ndonjë përbërës tjetër që rrjedh nga burime shtazore, duke përfshirë mjaltin dhe xhelatinën. Veganizmi përgjithësisht shtrihet në një mënyrë jetese që nuk lejon përdorimin e ndonjë materiali që rrjedh nga kafshët, duke përfshirë lëkurën, leshin apo mëndafshin. Produktet shtëpiake, siç janë kozmetika dhe sapunët përjashtohen gjithashtu nëse ato bëhen me/ose testohen tek kafshët.
Heqja e shumë ushqimeve me burim nga kafshët mund ta bëjë atë sfiduese për të plotësuar nevojat për lëndë ushqyese të caktuara, siç janë vitaminat D dhe B12, hekur, zink dhe kalcium.
Megjithatë, është e mundur që të merrni të gjithë ushqyesit e nevojshëm në një dietë vegane nëse keni njohuritë e duhura (dhe për këtë duhet t’i drejtoheni një specialisti).
Kur bëhet fjalë për mbrojtjen e shëndetit, cilësia e çdo diete të bazuar në bimë është mbreti. Një studim i kohëve të fundit, i botuar në “The Journal of Nutrition”, përfshiu mbi 800 njerëz që ishin veganë, vegjetarianë të laktozës, gjysëm-vegjetarianë dhe jo-vegjetarianë.
Hulumtuesit zbuluan se veganët kishin nivele më të larta të yndyrave të shëndetshme, antioksidantë dhe përbërës antiinflamatorë në trupin e tyre sesa jo-vegjetarianët. Kjo për shkak se ata konsumojnë më shumë ushqime me prejardhje nga jeshillëqet e natyrës (barishtet)./neps.al
Po ju tek cili grup hyni, pas këtyre që lexuat?
Lini një koment