Djathë furre me fiq të thatë, arra e mjaltë për të shoqëruar ditët festive
Për një antipastë të thjeshtë dhe një aperitiv të shpejtë, djathi Brie i pjekur në furrë me arra, fiq të thatë, boronica të kuqe e mjaltë është receta e duhur.
Mjalti me djathin është një kombinim klasik dhe shumë i mirë, absolutisht për t’u provuar, së bashku me frutat e thata si fiqtë e boronicat e kuqe që kanë veti ushqyese dhe antioksidante.
Përbërësit:
4 fshere djathi brie nga 110 gr secila
40 gr arra
trumëz e freskët
8 fiq të thatë
40 gr boronica të kuqe
4 lugë të vogla me gjalpë
mjaltë
Përgatitja:
Prisni pjesën e sipërme të djathit me një thikë të mprehtë duke u hequr vetëm koren e sipërme e duke i lënë anët të paprekura. Vendosini fsheret e djathit në një tepsi ku keni shtruar letër furri dhe në to vendosni fiqtë e ndarë më katërsh, arrat e prera në copa të mëdha dhe boronicat. Në fund shtoni mjaltin dhe pak gjalpë.
Piqini në furrë të ngrohu në 180 gradë për afro 10 minuta. Shërbejini menjëherë me shkopinj ose feta buke të thekur.
1️⃣ Ziej patatet, qëroji dhe shtypi derisa të bëhen pure. 2️⃣ Shto djathin, vezën, bukën e grirë, kripën dhe piperin. Përziej derisa të formohet një masë homogjene. 3️⃣ Merr nga masa dhe formo kroketat në formë cilindrike ose ovale....
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
1️⃣ Në një tenxhere, ngrohni vajin dhe skuqni qepën dhe hudhrën për 2-3 minuta. 2️⃣ Shtoni karrotat, patatet dhe salcën e domates. Përziejini dhe lërini të marrin aromë. 3️⃣ Shtoni thjerrëzat, kripën, piperin dhe qimnonin. Hidhni ujin ose lëngun...
Lini një koment