Cheesecake pa gluten: ëmbëlsirë e ftohtë për t’u shijuar në çdo moment të ditës

Një recetë e thjeshtë dhe me përbërës elementarë, e përshtatshme për ata që janë intolerantë ndaj glutenit, por e shkëlqyer edhe për gjithë familjen. Ideale për t’u shijuar e ftohtë gjatë verës, ajo mund të përgatitet me fruta të freskëta ose marmelatën e preferuar të frutave.

Përbërësit

• 600 gr ricotta
• 3 të verdha vezësh
• 4 të bardha vezësh
• 250 gr sheqer
• 1 lugë gjelle miell bajamesh
• 200 gr marmelatë sipas zgjedhjes suaj
• Fruta të freskëta

Përgatitja:

1. Rrihni të bardhat e vezëve derisa të bëhen marengë dhe lërini mënjanë.
2. Në një tas tjetër rrihni të verdhat me sheqerin derisa të bëhen si shkumë.
3. Shtoni aty miellin e bajameve dhe ricotta-n.
4. Përziejini përbërësit derisa të merrni një masë homogjene.
5. Shtoni me kujdes të bardhat tek përbërja.
6. Piqini në furrë të ngrohur në 160 gradë për 45-50 minuta.
7. Pasi cheesecake të jetë ftohur, vendosni një shtresë marmelatë sipër saj dhe dekorojeni me fruta të freskëta.