Yummy! Tortë me çokollatë
Fillimisht, në një enë të madhe, rrahim gjalpin dhe sheqerin derisa të bëhet një masë e butë dhe kremoze. Shtojmë vezët një nga një dhe e përziejmë mirë çdo herë. Shtojmë çokollatën e shkrirë dhe vaniljen. Në një enë...
Bukë me arra dhe rrush të thatë
Të bësh bukën në shtëpi nuk duket dhe aq argëtuese, por megjithatë ka një mënyrë të thjeshtë dhe praktike për ta përgatitur, sidomos me këtë recetë me arra e rrush të thatë. Mund të shoqëroni pjata të ndryshme ose t’ua servirni fëmijëve në mëngjes.
Ingredientët
- 250 gr miell tipi 1
- 20 gr miell hikërri
- 1 kub maja
- 200 ml ujë
- 100 gr rrush i thatë
- 150 gr arra
- Kripë
- Vaj ulliri
Udhëzimet
1
Përzieni bashkë dy llojet e miellit, shtoni kripë dhe ujin ku keni shkrirë majanë.
2
Shtroni tre lugë vaj ulliri dhe zini brumin. Lëreni të pushojë për të paktën 20 minuta në një vend të ngrohtë dhe me lagështirë. Prisni arrat me thikë, bashkojini me rrushin dhe pastaj shtojani brumit pas 20 minutash, duke e përzier.
3
Ndajeni brumin në 10 topa të vegjël dhe lërini të vijnë për dy orë në një vend me lagështirë dhe temperaturë konstante, mundësisht brenda në furrë.
4
Piqeni në furrë me avull (100 gradë) për gati 10 minuta.
5
Shërbejini të ngrohta, ndoshta duke i shoqëruar me djathë dhie.
Lini një koment