Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
‘Angel cake’ është një ëmbëlsirë me origjinë amerikane shumë e njohur, karakteristika kryesore e së cilës është përgatitja vetëm me të bardha vezësh, pa vaj ose gjalpë. Një tortë e butë, e lehtë dhe një ide e mirë për të mos çuar dëm të bardhat e vezëve të mbetura nga përgatitjet e recetave të tjera.
Pjekja e saj duhet bërë në një formë të veçantë që nuk ka nevojë për t’u lyer me gjalpë, në formë cilindri që ruan volumin e ëmbëlsirës. Le të shohim së bashku si përgatitet:
- 160 gr miell i tipit 2
- 280 gr sheqer kane natyral
- 12 të bardha vezësh të mesme
- 8 gr kremor tartar (përbërje në formë pluhuri për ëmbëlsirat)
- Pak kripë
- Farat e një shkopi vaniljeje
- Lëkura e grirë e një limoni
Përgatitja:
- Ndani me kujdes të bardhat nga të verdhat dhe në një enë tjetër sitni miellin, kripën, kremor-tartarin dhe sheqerin për të shmangur kokrrizat.
- Rrihni të bardhat me rrahëse vezësh, shtoni pak nga pak kremor-taratin, lëkurën e limonit, farat e vaniljes dhe sheqerin duke i rrahur me rrahës elektrik. Më pas transferoni përbërjen në një tas të madh, shtoni miellin dhe kripën dhe përzieni gjithçka me kujdes, me lëvizje lart-poshtë për të evituar shpërbërjen e masës.
- Hidheni masën në formën apostafat pa e lyer me gjalpë: duhet t’i ketë skajet të paktën 10 cm të larta.
- Piqeni në furrë të parangrohur në 190 gradë për rreth 35 minuta duke kontrolluar pjekjen me një kunjë dhëmbësh.
- Më pas kthejeni tortën përmbys mbi këmbët që ka vetë forma dhe nëse nuk keni një formë të tillë, kthejeni mbi një skarë dhe lëreni të ftohet.
- Më pas, me ndihmën e një thike ose spatule të mprehtë, nxirreni nga forma, vendoseni ëmbëlsirën mbi pjatancë dhe dekorojeni me fruta të freskëta sezonale ose mbusheni me krem pastiçerie ose çokollatë.
Lini një koment