Sugjerojmë:
Një pjatë e dytë e shijshme tipike e Amerikës latine, gjoks pule i butë i servirur me sallatë të freskët, ideal për një darkë mes miqsh në periudhën e verës. Gjoksi i mbushur i pulës është i thjeshtë për t’u përgatitur, i lehtë dhe i pjekur në furrë. Një recetë që do t’ju surprizojë vërtet...
Përgatisni pulën. Eliminoni kockën qendrore dhe kartilazhet dhe dy copat e gjoksit (nga 400 gr secila) ndajini përgjysmë në sens vertikal. Tek të katërta copat e prera bëni një prerje horizontale në mënyrë që të krijoni një xhep.
Përgatisni mbushjen e gjoksit. Pastroni specin e kuq dhe priteni në shirita. Gatuajeni në tigan me një lugë vaj dhe 1 thelpi hudhër të grirë për 4-5 minuta. Kulloni mashurkat të cilat i keni zier në ujë me kripë për 3-4 minuta. Ftohini në ujë me akull në mënyrë që të qëndrojnë të forta. Bashkë me specat dhe mashurkat, bashkoni misrin e ëmbël dhe 4 domate qershi të cilave u keni hequr farat dhe i keni prerë në thela. Shtojuni pak vaj ulliri, 4-5 pika tabasco, pak rigon, pak kumin pluhur, kripë e piper. Përziejini dhe me këtë miks mbushni xhepat e pulës që krijuat.
Piqini dhe shërbejini. Kalojini filetot në miell, pastaj në vezët e rrahura dhe më pas në bukën e thekur të grirë. Vendosini në një tavë ku keni shtruar letër furre dhe piqini në furrë të nxehur në 200 gradë për 25 minuta. Rregullojini me kripë e piper dhe shërbejini me avokado (të qëruar, të prerë në copa dhe të përzier me lëng limoni), gjethet e sallatës jeshile të copëtuar dhe 20 ullinj.
Lini një koment