Këto brwonies janë një recetë perfekte për këto ëmbëlsira amerikane. Brownie-t janë ëmbëlsira krokante nga jashtë dhe të buta nga brenda. Mund të merren me vete edhe në pik-nik pasi janë të thjeshta për t’u transportuar dhe janë shumë të këndshme.
Vendosni një tenxhere me ujë në zjarr për të shkrirë çokollatën në banjëmari së bashku me gjalpin.
Kur çokollata të jetë shkrirë mirë, shtoni gradualisht përbërësit e tjerë duke i përzier me rrahëse vezësh. Si fillim shtoni sheqerin dhe përziejeni derisa të integrohet mirë tek masa. Më pas kaloni tek vezët, përziejini mirë. Shtoni dhe kakaon dhe përziejini përsëri.
Shtoni më pas pak kripë pasi thekson shijen e ëmbëlsirës dhe në fund miellin e situr më parë. Përziejini mirë derisa brumi i brownies të jetë homogjen dhe i butë.
Transferojeni në një tavë drejtkëndëshe në të cilën keni shtruar letër furre të lyer me gjalpë.
Piqeni ëmbëlsirën në 180 gradë në furrë me ventilim për 35-40 minuta. Mos harroni që në këtë rast, ëmbëlsira duhet të ruajë lagështinë. Në përfundim të pjekjes, nxirreni nga furra dhe lëreni të pushojë 5 minuta para se ta hiqni nga forma.
Kur të ftohet shërbejeni të prerë në kuadrate.
Lini një koment