Ushqimet janë dashuria më e madhe , pa të cilën askush nuk jeton dot. Dhe veç kësaj të gjithë kanë një ushqim të preferuar pas të cilit “vdesin” sa herë e kanë në tavolinë. Edhe fashionista e famshme shqiptare Armina Mevlani ka zbuluar ushqimin e preferuar për revistën “Shije” duke treguar se specat e mbushur janë të preferuarit e saj.
Ky gatim i shijshëm tradicional përgatitet shumë thjeshtë dhe recetën e gjeni mëposhtë:
Skuqni specat për mbushje për pak minuta dhe hiqini mënjanë.
Në një tigan të thellë gatuani mishin e pulës dhe pasi të marrë ngjyrë shtoni qepën e grirë hollë, specin e kuq dhe karrotën e prera në kubikë.
Pas pak minutash shtoni qiqrat e qëruara, orizin e majdanozin dhe përzieni mirë të gjithë përbërësit.
Përgatitni tavën në të cilën vendosni specat, filloni ti mbushni me perimet dhe orizin e gatuar.
Pjesën e mbetur të përgatitjes shtojeni në tavë, hidhni ujë të nxehtë dhe kripë.
Vendoseni të piqet për 40 minuta në 180 gradë duke e kontrolluar herë pas herë orizin që të mos thahet.
Lini një koment