Sugjerojmë:
Përgatisim brumin e qofteve duke bashkuar në një tas mishin e grirë me qepën, vezën, tulin e bukës të shtrydhur fort nga qumështi, hudhrën, kripën dhe piperin.
E lemë masën të pushojë për minimumi gjysmë ore në frigorifer mbuluar me leter kuzhine.
Pastaj me duar të lagura marrim pak nga brumi i qofteve dhe i japim formë të rrumbullakët me madhësi sa një kokërr arre.
I skuqim në zjarr mesatar në pak vaj ulliri derisa të marrin ngjyrë të artë nga të gjitha anët dhe i lemë mënjanë.
Përgatisim salcën e makaronave duke kavardisur në vaj ulliri qepën e grirë derisa të zbutet, shtojmë salcën e domateve, borzilokun dhe hedhim brenda qoftet me kujdes.
I vemë kapakun dhe i lemë të gatuhen për 10-15 minuta në zjarr të ulët.
Ziejmë makaronat në ujë me krip.
Më pas i kullojmë dhe i spërkasim me pak vaj ulliri në mënyrë që të mos ngjiten.
Në pjatë, hedhim makaronat dhe sipër salcën me domate dhe qofte të vogla.
I spërkasim me pak djathë kaçkavall të grirë dhe i zbukurojmë me gjethe borziloku.
Lini një koment