Role kungulli në tavë mbushur me oriz dhe djathë

Ziejmë orizin jo plotësisht,

Pastrojmë kungujt dhe i presim në feta për së gjati shumë hollë dhe i spërkasim me pak kripë.

Pjesët anësore të kungullit i presim në kubikë të vegjël në brinjë 0.5 cm.

Qepët i presim në unaza shumë të holla. Në një tigan me pak vaj ulliri kaurdisim së bashku për 5 minuta kubikët e kungullit dhe qepët e njoma.

Më pas i transferojmë në një tas qelqi. Shtojmë në tasin me qepë dhe kungujt e kaurdisur, orizin gjysëm të zierë, një vezë të rrahur, kopër dhe 100 gr mozarrella në kubikë të vegjël si dhe 2 lugë gjelle parmigiano të grirë.

I përziejmë mirë të gjithë përbërësit në tas. Lyejmë një tavë me pak vaj. Vendosim në tavolinën e punës 2 feta kungulli të bashkuara.

Përthithim vajin e kungullit me letër kuzhine, vendosim 1 lugë gjelle nga mbushja e përgatitur dhe e rrotullojmë si role.

Vendosim rolenë në një tavë dhe kështu vazhdojmë deri sa të mbushet tava. Spërkasim sipër me pak vaj.

Vendosim tepsinë në furrë në temperaturë 200 gradë Celsius për 50 minuta. Grijmë sipër një top mozzarella, pak gjethe borziloku dhe e vendosim përsëri tavën në furrë për 10 minuta të tjera.

E shërbejmë të ngrohtë!