Në një tas vendosim miellin, pak trumzë, kripë, uthull dhe ujë në temperaturë ambienti. Të gjithë këto përbërës i përziejmë me një lugë druri. Shtojmë vajin dhe vazhdojmë përzierjen me lugë druri.
Kur brumi fillon të lidhet pak, fillojmë dhe e punojmë me duar deri sa të marrë formën e brumit të butë duke e spërkatur me pak miell gjatë punimit.
E vendosim përsëri brumin në tas, e mbulojmë me celefon dhe e lëmë të pushojë brumin për 30-40 minuta
Mbushja:
Në një tigan vendosim 1 lugë gjelle vaj ulliri. Shtojmë qepën e njomë imët, pancetën e kaurdisim për 2 minuta.
Shtojmë kungujt e prerë në feta rrumbullake, kripë, piper të zi. I përziejmë për 8-10 minuta.
Hapim brumin me rolon dhe e vendosim atë në një tepsi tartash me diametër 28 cm. Shtojmë mbushjen me kungull e rivelojmë atë mirë.
Në një tas rrahim vezët e plota, shtojmë tek vezët kripë, piper të zi, parmigianon e grirë dhe e shtojmë duke mbuluar kungujt ( mbushjen).
Djathin e tymosur Scamorta ( Provola) e presim në kubikë, e shpërndajmë mbi sipërfaqen mbi vezë dhe e vendosim tavën në furrë, e ngrohur më parë në temperaturë 200 gradë Celsius.
Receta marrë nga shqiptarja.com
Lini një koment