Vezë me perime në tigan për një super shije

Si fillim prisni qepën dhe specat në kubikë të vegjël.

Shtojini në një tigan ku keni hedhur paraprakisht vaj ulliri dhe kaurdisini qepët derisa të zbuten.

Më pas, prisni domatet në kubikë të vegjël dhe hidhini në tigan bashkë me perimet e tjera.

Shtoni thelpinjtë e hudhrës dhe dy qepë të njoma të grira dhe lërini të ziejnë për 10-15 minuta.

Trazojini vazhdimisht derisa të gjithë perimet të jenë zbutur dhe bashkuar me njëra tjetrën, në fund hidhini pak kripë sipas dëshirës.

Ndërkohë përgatisni edhe vezët për t’i hedhur në tigan.

Me anë të një luge bëni pak vend sa për të hedhur një vezë dhe pasi ta keni hedhur lëreni të ziejë për 8-10 minuta.

Teksa ziejnë në fund mund t’i jepni shije me pak piper të zi, një qepë të njomë të grirë dhe disa gjethe nenexhiku apo majdanozi.

Kjo pjatë shërbehet ashtu siç është në tigan, me bukë të thekur gruri apo misri.