Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Muffins të kripur me perimet e stinës
Ingredientët
- 2 lugë gjelle niseshte patatesh
- 250 gr miell
- 1 lugë çaji pluhur pjekës
- 1 kungull i njomë
- 4 domate qershi
- 10 ullinj jeshil
- 2 lugë gjelle kaçkavall në fije
- 12 forma muffins
- 4 vezë
- 80 ml vaj
- 125 gr kos
- 2 lugë gjelle djathë parmigiano i grirë
- Kripë
Udhëzimet
1
Në një tas vendosim 4 vezë të plota, i përziejmë mirë.
2
Shtojmë 80 ml vaj, 125 gr kos, i përziejmë përsëri.
3
Shtojmë 30 gram parmigiano, pak kripë, nisheshten dhe i përziejmë derisa masa të bëhet homogjene. Më pas shtojmë 250 gr miell dhe pluhurin pjekës.
4
E përziejmë sa të na formohet një brum i derdhur, por jo i hollë.
5
Presim në fije ose në rende një kungull të njomë ndërsa domatet qershi i presim në katër pjesë secilën.
6
Ullinjtë i presim në unaza.
7
Vendosim format në një tepsi kapaku, i mbushim ato ¾ e kupës dhe sipër vendosim disa kunguj, tek disa katër copa domate e tek disa të tjera ullinj në rrathë.
8
Por mund ta bëni edhe vetëm me djathë kaçkavall që shkrin.
9
Vendosim tepsinë në furrë në temperaturë 180 gradë Celsius, për 20-25 minuta. Ju bëftë mirë!
Shënime
Receta marrë nga shqiptarja.com
Lini një koment