Tartë me perime dhe petë sfoliatë

Presim perimet në kubikë të vegjël.

Qepën e grijmë hollë.

Ngrohim vajin në një tigan dhe kaurdisim qepën për 3 minuta. Shtojmë perimet dhe i përziejmë në tigan në temperaturë mesatare për 10 minuta.

Shtojmë bizelet dhe i përziejmë së bashku për 5 minuta.

Në një tepsi rrumbullake vendosim një letër pjekjeje, më pas rregullojmë petën sfoliatë, duke e shtypur bazën me pirun.

Shtojmë perimet dhe i nivelojmë ato.

Në një tas rrahim dy vezë, qumështin, parmigianon, kripë, piper dhe i përziejmë mirë bashkë me djathin e tymosur.

I përziejmë dhe i shtojmë sipër perimeve.

Kthejmë anët dhe e vendosim tepsinë në furrë në tëmperaturë 180 gradë Celsius, për 30 minuta.

Pasi e nxjerrim nga furra, e lëmë tartën të ftohet, e presim dhe e shërbejmë.