Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Sallatë pule me avokado dhe majonezë
Shumë e veçantë si sallatë, prandaj ju rekomandoj mos ta humbisni recetën!
Ingredientët
- 1 gjoks pule i prerë sa më imët
- 5 degë selino të prera imët
- 2 avokado të prera në kubik të vegjël
- 1 qepë e njomë e prerë imët
- ¼ filxhan me kos
- 1 lugë gjelle mustardë
- Pak majdanoz
- ¼ filxhan me lëng limoni
- Lëkura e grirë e 1 limoni
- Kripë dhe piper të zi
Udhëzimet
1
Mishin e pulës e prisni në copa sa më të vogla dhe e skuqni me vaj ulliri në një tigan. I shtoni pak kripë dhe piper.
2
Lani mirë selinonë dhe e prisni në copa të vogla. E kaloni në një enë bashkë me ½ e avokados dhe i shtoni sipër lëngun e limonit. Kështu do të parandaloni që ato të marrin ngjyrë kafe.
3
Shtoni tek tasi mishin e pulës dhe qepën e njomë.
4
Ndërkohë në një blender shtoni avokadon e mbetur, kosin, mustardën, lëngun e limonit dhe lëkurën. I përzieni derisa të bëhet një masë kremoze.
5
Tani e shtoni salcën e përgatitur sipës pulës. Shtoni pak kripë, piper dhe i përzieni të gjitha bashkë.
6
Shtojini pak majdanoz të freskët dhe shërbejeni. Ju bëftë mirë!
Lini një koment