Perfekte për drekën e familjes suaj. Kremoze dhe me të gjithë përbërësit që meriton një pjatë e mirë pennesh!
Në një tigan që nuk ngjit, skuqni baconin e ndarë në copa të vogla për 5-7 minuta.
Më pas e hiqni dhe vendosni fileton e pulës për të skuqur. Mos harroni ta marinoni me kripë e piper. Më pas e hiqni dhe me ndihmën e një thike e ndani në copa të vogla.
Në po të njëjtin tigan shtoni pak vaj dhe skuqni qepën e grirë imët. Shtoni edhe brokolin që duhet ta keni zierë paraprakisht për gati 7 minuta. I përzieni mirë.
Në fund shtoni hudhrat dhe pas 2 minutash i hiqni nga zjarri. Bashkojini me fileton e pulës dhe baconin.
Në një tigan pak të thellë shton lëngun e pulës, panën, domatet, pennet, kripën dhe piperin.
I lini të marrin një valë të mirë për 15 minuta. Shtoni edhe djathin çedar.
Sapo të shkrijë, shtoni edhe perimet, baconin dhe fileton e pulës.
I përzieni të gjitha bashkë dhe shijojini pennet e ngrohta!
Lini një koment