Tavë me patate dhe salsiçe

Si fillim zieni patatet me gjithë lëkurë në një tenxhere me ujë.

Më pas i hiqni, i kulloni dhe i lini të ftohen në një tas me ujë të ftohtë.

I qeroni patatet dhe i prisni në feta rrumbullake.

Merrni një tavë (mundësisht qelqi) dhe e spërkasni me pak vaj ulliri.

Vendosni një shtresë me patate, më pas shtoni një pjesë të salsiçeve që duhet t’i keni prerë në pjesë më të vogla.

Vendosni një shtresë tjetër patatesh dhe salsiçet e mbetura.

Domatet e grira imët i bashkoni me hudhrat dhe i përzieni mirë.

Tani i shtoni domatet dhe përhapeni në të gjithë sipërfaqen e tavës.

Në fund shtoni djathin guda dhe e fusni tavën në furrë për 30 minuta në temperaturë 180 gradë. Ju bëftë mirë!