Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Petullat me ananas janë të pazakonshme, por të mrekullueshme!
I keni provuar ndonjëherë? Sa herë që shihni ananas me ulje çmimi, rrëmbeni 1 dhe shfrytëzojeni për këtë recetë të veçantë petullash!
Ingredientët
- 250 gram miell
- 2 lugë çaji me pluhur pjekës
- 1 ½ lugë çaji me sodë pjekjeje
- ½ lugë çaji me kripë
- 50 gram sheqer
- 355 ml qumësht
- ½ lugë çaji me ekstrakt vaniljeje
- 110 gram gjalpë
- 55 gram gjalpë të shkrirë
- 1 lugë gjelle gjalpë për skuqje
- 55 gram sheqer kaf
- 45 ml rum pikant
- 600 ml lëng ananasi
- 12 feta rrumbullake ananasi
Udhëzimet
1
Në një tas të madh bashkoni miellin, pluhurin pjekës, sodën, kripën dhe sheqerin. I përzieni mirë derisa të kombinohen.
2
Hapni një hapësirë në mes dhe shtoni qumështin, gjysmën e lëngut të ananasit, gjalpin e shkrirë dhe ekstraktin e vaniljes.
3
I përzieni mirë dhe i lini mënjanë, ndërkohë që përgatisni shurupin e ananasit.
4
Në një nxehtësi mesatare vendosni për të skuqur gjalpin e ngurtë. Shtoni sheqerin kaf, lëngun e ananasit që mbeti dhe rumin pikant.
5
I përzieni mirë derisa shurupi të arrijë konsistencën që dëshironi. E hiqni nga zjarri dhe e lini mënjanë.
6
Tani në një tigan të pastër skuqni 1 lugë gjelle gjalpë, vendosni fetën e ananasit dhe e skuqni mirë para e mbrapa për gati 2 minuta.
7
Sipër i shtoni një garuzhde nga masa që përgatitët. Sapo të forcohet disi, e ktheni me ndihmën e një spatule nga ana tjetër.
8
Kështu veproni për çdo fetë ananasi të mbetur.
9
Në fund i servirni në një enë dhe sipër i shtoni shurupin. Petullat janë gati. Ju bëftë mirë!
Lini një koment