Pse ta hedhim kosin e thartuar, kur me të mund të realizojmë një supë shumë të mirë? I shtojmë edhe pak mish pule edhe ç'të hash moj amvisa...
Në një tenxhere me ujë e kripë vendosni për të zierë mishin e pulës.
Sapo të jetë gati e hiqni, e lini të ftohet pak dhe më pas e ndani në copa shumë të vogla mishin.
Në një tenxhere shtoni 1 litër ujë dhe 1 litër ujë nga tenxherja ku zietë mishin e pulës. I lini për disa minuta në zjarr mesatar.
Në një enë rrihni së bashku vezën, kosin, miellin dhe pak kripë.
Shtoni dy garuzhde nga tenxherja dhe i përzieni vazhdimisht në mënyrë që veza të mos pritet.
Më pas e shtoni masën në tenxhere. E përzieni mirë. Kontrolloni për kripë nëse ka nevojë për më shumë. Pas 2 minutash e hiqni nga zjarri dhe shijojeni!
Lini një koment