Eshtë absolutisht shumë e shijshme dhe e thjeshtë për t'u bërë. Mos u merakosni as për enët, sepse do bëni "pis" vetëm 1 të vetme....
Zieni spaghettit në një tenxhere me ujë e kripë përreth 6 minuta.
Lani mirë asparagët, i ndani përgjysmë dhe i lini mënjanë.
Grini imët qepët dhe hudhrat.
Në një tigan me 1 lugë gjelle vaj ulliri skuqni filetot e pulës të ndara në shirita të hollë. I marinoni me kripë e piper. Kur të jenë skuqur i lini mënjanë.
Në të njëjtin tigan shtoni sërish 1 lugë gjelle me vaj ulliri dhe gjalpin. Vendosni qepët për të skuqur dhe pas 1 minute shtoni edhe hudhrat. Shtoni miellin dhe i përzieni mirë.
Më pas shtoni qumështin, ujin, erëzat, kripën dhe i përzieni sërish mirë. Lëreni salcën për 2-4 minuta derisa të trashet pak.
Tek ena ku latë fileton e pulës shtoni djathin parmixhano dhe asparagun. Tani ia shtoni masën makaronave që keni zierë më parë.
Në fund i shtoni salcën dhe i përzieni mirë spaghettit. Shërbejeni të ngrohtë!
Lini një koment