Sugjerojmë:
Data sot shënon 31 dhjetor dhe mbrëmja pritet të kulmojë me një tavolinë mbushur plot e përplot me pjata të shijshme. Ne ju sjellim recetën e përgatitjes së gjelit të mbushur. Sigurisht ka shumë opsione për këtë recetë, por ne po sjellim vetëm 1 nga shumë versionet.
Gjeli i detit duhet larë dhe pastruar mirë. Kini kujdes të lani mirë edhe të brendshmet (nëse ka).
Në një tigan skuqni qepën e grirë imët me pak vaj. Shtoni më pas edhe të brendshmet. I përzieni mirë.
E hiqni nga zjarri dhe i shtoni më pas, mollën, ullinjtë, rrushin e thatë, arrat, selinonë dhe bukën e thekur të prerë në kubik të vegjël.
I përzieni mirë dhe tani është koha të mbushni gjelin me të. Ngjesheni mirë.
Në fund e lidhni gjelin me spango, tek pjesa e këmbëve.
Tani e lyeni me gjalpë të gjithë sipërfaqen e tij.
E vendosni në një tavë dhe e fusni në furrë të piqet ngadalë përreth 2 orë, megjithëse kjo është relative varësisht furrës.
Nëse e mendoni të arsyeshme mund ta zieni paraprakisht gjelin, për ta bërë më të butë mishin e tij.
Lini një koment