Festat nuk vijnë pa biskotat e shijshme të shtëpisë!

Në një tas bashkoni miellin e grurit, miellin e thekrës dhe sodën e bukës.

I përzieni mirë dhe shtoni gjithashtu: vezët, gjalpin e shkrirë, rumin, lëngun e limonit dhe lëkurën, kanellën, vaniljen. E punoni mirë masën me duar.

Në fund i shtoni sheqerin dhe mjaltin.

Punojeni mirë me duar brumin derisa të krijoni një masë kompakte. Mbulojeni me një letër kuzhine dhe e lini në frigorifer gjatë gjithë natës.

Ditën tjetër, hapeni komplet petën dhe filloni e prisni biskotat me format tuaja të preferuara.

I lyeni biskotat nga sipër me pak qumësht dhe i zbukuroni me pak arra e bajame.

I fusni në furrë për t’i pjekur në temperaturë 180 gradë. Shijojini dhe pse jo, ndajeni recetën edhe me miqtë tuaj!