Në dilemë se çfarë të gatuani sot për drekë? Si thua për një musaka me patate e mish pule
Qërojmë patatet dhe i presim ato në feta jo shumë të trasha. Mishin e pulës e pastrojmë dhe e presim në copëza të vogla.
Ngrohim vajin dhe kaurdisim mishin derisa të zbardhet, rregullojmë shijen me kripë dhe piper dhe shtojmë në të qepën të prerë në rrathë të hollë.
E lëmë qepën në zjarr sa të ulë volumin. Lyejmë tepsinë me yndyrë dhe vendosim fetat me patate sikurse tjergullat, njëra pas tjetrës. Mbi shtresën me patate vendosim mishin, e nivelojmë atë dhe vendosim feta djathi (ose djathë të grirë).
Mbi djathë vendosim fetat me patate duke shtuar rreshtin e dytë me patate, përsëri mbi patatet mish e më pas djathë.
Përsëri shtojmë shtresë patate e mishi, derisa të përfundojë mishi duke i mbuluar me djathë. Në fund vendosim përsëri një shtresë patate e mbi të, përsëri djathë.
Në një tas përziejmë kremin e kosit me 2 kokrra vezë, pak kripë dhe piper i zi.
Pasi ta përziejmë mirë, e mbulojmë djathin që hodhëm mbi patate me kremin e kosit, e nivelojmë mirë dhe vendosim tavën në furrë në temperaturë 190 gradë celsius për 50 minuta.
Receta dhe foto marrë nga shqiptarja.com
Lini një koment