Sa na shijojnë këto tavat praktike dhe mbi të gjitha me fileto pule!
Lani mirë filetot e pulës dhe i prisni në shirita më të hollë.
Në një tas shtoni gjysmën e kosit, koncentratin e perimeve të zbutur, pak vaj dhe mustardën. I përzieni mirë dhe marinoni me të filetot e pulës.
Perimet i lani mirë dhe i prisni në feta të holla përsëgjati.
Në një tavë të lyer me pak vaj, vendosni të gjitha perimet. Vezët i përzieni me kosin, pak vaj, kripë e piper dhe ia shtoni sipër perimeve.
Vendosni edhe filetot e pulës.
Tavën e fusni në furrë për 45 minuta në temperaturë 200 gradë.
Pasi të jetë gati, nga fundi i shtoni edhe djathin e grirë dhe pas 5 minutash e fikni sobën.
Servireni të ngrohtë me pak majdanoz të grirë imët sipër.
Lini një koment