Për buzë të lëmuara edhe në ditët më të ftohta, ju duhet ky scrub me banane dhe sheqer!

Ulja e temperaturave dhe ekspozimi në të ftohtë për një kohë të gjatë, mungesa e trajtimit të duhur dhe konsumi i ushqimeve acide janë disa prej shkaqeve që çojnë në shfaqjen e buzëve të çara.

Por, e dini cila është mënyra e duhur për t’i trajtuar ato? Sigurisht që scrubi.

Para së gjithash duhet të shmangni përdorimin e buzëkuqit mat gjatë kësaj periudhe pasi ky i fundit than akoma më shumë buzët, si dhe evitoni ushqimet acide si agrumet, speci djegës, hudhra e tij.

Scrub me banane dhe sheqer
Ky lloj scrub-i nuk ka në përmbajtjen substanca vajore, çka e kthen në produktin ideal për ato zonja, zonjusha që kanë lëkurë të yndyrshme.

Përbërësit:

• 1 banane e pjekur mirë
• 3 lugë gjelle sheqer të bardhë

Udhëzime: 

• Bashkojini të gjithë përbërësit dhe përziejini derisa të bëhet një masë homogjene.
• Më pas fërkoni buzët me lëvizje rrethore dhe lani gojën, por edhe gjithë fytyrën me ujë të vakët.