Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Turli shumëngjyrëshe me thjerrëza e perime
Plot ngjyra dhe vlera ushqyese për organizmin tuaj. Mos përto ta përgatisësh sepse Neps.al ta shpejgon hap pas hapi si ta realizosh...
Ingredientët
- 2 kunguj
- 1 degë selino
- 2 speca me ngjyrë
- 1 qepë
- 3 thelpi hudhra
- 2 patate mesatare
- 2 karota
- 2 patëllxhanë
- 1/2 gotë thjerrëza
- 1 domate të madhe
- 4 lugë gjelle vaj ulliri
- 1 gjethe dafinë
- uthull
- majdanoz
- Kripë dhe piper i zi
Udhëzimet
1
Shpëlajmë thjerrëzat dhe i vendosim për të zierë në temperaturë mesatare. Pesë minuta pasi të fillojë zierja, i largojmë dhe i kullojmë.
2
Në një tenxhere ngrohim vajin dhe kavardisim qepën të grirë hollë derisa të zverdhet. Shtojmë hudhrat të prera në copëza dhe i trazojmë së bashku për 1 minutë.
3
Fillimisht shtojmë perimet që duan më shumë kohë për zierje si për shembull karotën, patatet e më pas me radhë selinonë, patëllxhanin, kungullin, specat, domatet, të gjitha perimet të prera në kubikë.
4
Vendosim një gjethe dafine dhe thjerrëzat dhe shtojmë ujë baraz me nivelin e perimeve.
5
Rregullojmë shijen me kripë dhe piper të zi dhe e lëmë turlin të ziejë me kapak të mbyllur për 15 minuta.
6
Në fund, shtojmë uthull sipas shijes që preferoni dhe e shërbejmë duke e spërkatur me pak majdanoz.
Shënime
Receta marrë nga shqiptarja.com
Lini një koment