Sekreti në fakt qendron pas një salce të thjeshtë, që i jep shije të gjithë përbërësve dhe i kombinon të gjitha bashkë në një shkop të vetëm!
Në një enë bashkoni ketchupin, sheqerin kaf, lëngun e ananasit, vajin e ullirit, hudhrën, xhinxherin dhe vajin e susamit.
Shtoni pak kripë e piper. I përzieni të gjitha bashkë.
Shtoni brenda gjoksin e pulës, e marinoni mirë. E mbështillni me një qese kuzhine dhe i ruani në frigorifer për të paktën 1 orë.
Prisni në copa të vogla ananasin, qepën dhe specin jeshil. I marinoni të gjitha me vaj ulliri, kripë e piper.
Merrni shkopinjtë për shishqebap. Fusni specin, qepën, ananasin dhe mishin e pulës.
Kështu veproni derisa të mbushet i gjithë shkopi dhe për çdo shkop tjetër.
I vendosni tani në skarë dhe i mbani 5 minuta nga secila anë.
Mund t’i fusni edhe në furrë për 20 minuta në temperaturë 150 gradë celsius. Ju bëfshin mirë!
Lini një koment