Tavë Me Qumësht
Përgatitja 1️⃣ Skuqja e mishit • Në një tigan, skuqni copat e mishit me pak vaj derisa të marrin ngjyrë të artë. Vendosini në tavë. 2️⃣ Përgatitja e salcës me qumësht • Në një tas, rrihni vezët me miellin...
Ravioli të shijshme me spinaq. Receta nga shef Renato
Përgatisni këto ravioli shumë të thjeshtë dhe të shijshëm në më pak se 30 minuta.
Ingredientët
- 300 gram brumë paste
- 100 gram gjalpë
- 100 gram djathë kaçkavall ose i bardhë (sipas dëshirës)
- 50 gram domate të thara
- 300 gram spinaq
- 2 qepë të njoma
- Kripë, piper
- 1 e verdhë veze
- Pak kopër
- Pak mendërz
- 1 degë rozmarinë
- 1 degë trumzë (thimo)
Udhëzimet
1
Nisim me përgatitjen e mbushjes së raviolit. Fillimisht lajmë spinaqin dhe qepët. I grijmë hollë dhe i kalojmë për pak minuta në tigan.
2
Pasi i kemi gatuar pak në tigan, i kalojmë në një enë tjetër ashtu të ngrohta. Shtojmë djathin, koprën, mendërzën dhe domatet e thara. I përziejmë mirë dhe i lëmë mënjanë që të marrin shijen e njëra-tjetrës.
3
Nisim me përgatitjen e raviolit. Hapim brumin dhe e presim në katrorë ose rrethorë me diametër rreth 5 cm.
4
Në qendër të një katrori/rrethori vendosim një masë nga mbushja e raviolit.
5
Vendosim raviolit e përgatitura në ujë të vluar dhe të bollshëm. I lëmë të ziejnë për 4 minuta.
6
Në një tigan përgatisim salcën. Marrim një garuzhdë ujë dhe shtojmë rozmarinë, trumzë (thimo), gjalpë dhe djathë. Kujdesemi që të krijohet një salcë e lidhur mirë dhe vendosim në të ravioli.
7
I lëmë të ziejnë për 4-5 minuta të tjera dhe ravioli janë gati për t'u shijuar.
Shënime
Receta e plotë marrë nga: renatomekolli.com
Lini një koment