Mjafton pak fantazi dhe me qepët mund të bëni mrekullira. Ja për shembull këtë recetë që Neps.al ju sjell....
Qëroni qepët dhe ziejini për 10 minuta në ujë me kripë. Kullojini dhe lërini të ftohen.
I prisni përgjysmë për së gjati, hiquni pjesën qendrore dhe lërini mënjanë.
Fusni arrat në ujë valë për 1 minutë, kullojini dhe hiquni cipën.
Në mikser përzieni pjesën e brendshme të qepëve, sallamin e prerë në copa, arrat e qëruara nga cipa, djathin, vezën, pak kripë dhe gjysmën e galetës.
Me këtë mbushje që përgatitët, mbushni gjysmat e qepëve dhe vendosini në një tepsi ku keni shtruar letër furre të cilën e keni lagur dhe shtrydhur më parë.
Spërkatini qepët e mbushura me galetën e mbetur dhe vendosini sipër disa copëza gjalpi.
Shtoni 1/2 gotë ujë në tepsi dhe piqini në furrë në 180 gradë për 40 minuta.
Lini një koment