Kjo recetë e rosnicave me mish pule është marrë nga Zonja Vjollca e cila gatuan çdo ditë në emisionin "Rreze Dielli" nga ora 08:45 – 10:00.
Pastrojmë pulën dhe e presim atë në thela. Në një tenxhere vendosim 1 lugë gjelle vaj ulliri dhe kaurdisim copat e pulës.
Shtojmë ujë të valuar dhe e lëmë të ziejë pak për 10 minuta.
Më pas vendosim copat e pulës në një tavë dhe i pjekim në furrë për 20 minuta sa të zverdhet pak lëkura.
Ndërkohë kaurdisim një qepë të vogël të grirë dhe e shtojmë tek lëngu i pulës për të zierë.
Në një tigan me 1 lugë gjelle vaj dhe pak gjalpë kaurdisim rosnicat deri sa të zverdhen pak.
Shtojmë lëngun e pulës tek rosnicat dhe i trazojmë duke rregulluar shijen me kripë, piper e nenexhik nëse dëshironi.
I lëmë të ziejnë për 10 minuta. I shtrojmë në tavë me mishin dhe nëse dëshironi mund ta vendosni edhe për pak minuta në furrë ose e shërbeni menjëherë.
Lini një koment