Mozzarella-t e mbushura paraqesin një variant të veçantë të sallatës kapreze. Je kurioz ta provosh?
Si fillim, merrni topat e djathit mozzarella dhe krijoni një çarje tek secili nga sipër duke i zbrazur me majën e thikës.
Pjesët që pretë, pritini në kubikë dhe lërini mënjanë. Më pas merrni mozzarrellat e zbrazura dhe kalojini në një sitë që t’u largohet uji i tepërt.
Merrni domatet qershi, lajjini dhe pritini më katërsh. Pastaj shtojini në enën ku vendosët kubikët e prerë të mozzarellës, duke lënë mënjanë disa kubikë të prerë për dekor.
Shtoni vaj ulliri, kripë e piper në enën me domatet dhe djathin mozzarella. Më pas shtojini rigon të thatë, borzilok të freskët dhe përziejini për të marrë shije.
Mbushni topat e zbrazur të mozzarellës me këtë përgatitje dhe në fund kompletojini me kubet e lëna mënjanë.
Është koha t’i servirni mozzarella-t tuaja të shijshme!
Lini një koment