Gjella me patate bëhet edhe pa mish. Dhe në fund të shijon po aq shumë. Provojeni edhe ju këtë version me recetën e Nepsit.
Qëroni patatet dhe i prisni në kubik të vegjël.
Në një tenxhere me vaj ulliri skuqni qepën e grirë imët.
Shtoni hudhrat dhe selinonë.
Trazojini mirë dhe pas 5 minutash shtoni domatet e prera në copa të vogla dhe pa lëkurë.
Pasi domatet të jenë tretur shtoni patatet.
I përzieni mirë dhe shtoni specin pluhur e piperin.
Në fund shtoni 2-3 gota ujë të nxehtë dhe e lini gjellën në zjarr për 35 minuta. Nga fundi i shtoni një lugë gjelle kripë (jo plot).
Lini një koment