Qofte me perime dhe gjizë
Lani perimet në ujë të bollshëm. Më pas qërojini më kujdes lëkurën dhe filloni t’i prisni në copa të vogla rrethore. Mund edhe t’i grini me rende për të shkurtuar akoma dhe më shumë kohën e përgatitjes. Vini në...
Vezë poshe me spinaq dhe patate
Ingredientët
- 300 gram patate të grira imët
- 100 gram spinaq
- 2 lugë gjelle vaj ulliri
- 1 qepë e vogël grirë imët
- 1 lugë çaji piper i kuq
- 1 lugë çaji kripë
- 2 vezë poshe
- Për salcën: 3 vezë të mëdha, lëng limoni, 110 gram gjalpë të shkrirë dhe ½ lugë çaji kripë.
Udhëzimet
1
Në një tigan me vaj ulliri skuqni qepën. Shtoni kripë, piper. I përzieni mirë dhe shtoni patatet.
2
Vazhdoni t’i trazoni edhe për 5 minuta të tjera. E ndani masën në dy pjesë në tigan dhe mundohuni t’i jepni secilës një formë të rregullt rrumbullake.
3
E skuqni mirë nga të dyja anët. Hiqeni nga zjarri dhe e lini mënjanë.
4
Ndërkohë në një tigan tjetër skuqni spinaqin.
5
Përgatisni në një blender salcën duke kombinuar të verdhën e vezës, lëngun e limonit, gjalpin dhe kripën. I trazoni së bashku për pak sekonda.
6
Merrni një pjatë dhe shërbeni masën me patate dhe qepë që përgatitët më parë. Sipër vendosni pak spinaq dhe në fund një vezë poshe.
7
Shtoni salcën që përgatitët dhe në fund mund t’i shtoni pak majdanoz të freskët. Ju bëftë mirë!
Lini një koment