Jeni lodhur duke u përpjekur t’i shpëtoni zbokthit me lloj-lloj shamposh të kushtueshme dhe prapë s’ia keni dalë dot? E dini që zbokthi mund të luftohet edhe duke ndryshuar regjimin ushqimor? Po, po mund t’ia dilni të keni flokë pa zbokth dhe skalp të shëndetshëm vetëm me thikë e pirun. Më poshtë keni një listë ushqimesh që duhet t’i konsumoni shpesh nëse nuk doni të keni flokë me zbokth.
Qiqrat
Vitamina B6 dhe zinku i gjendur tek qiqrat i bëjnë këto bishtaja shumë efektive kudnra zbokthit. Përveçse t’i hani, mund të përzieni ujin me miell qiqrash dhe të formoni një pastë e cila është shumë e fuqishme për të luftuar zbokthin.
Farat e lulediellit
Ato gjithashtu përmbajnë B6, zink dhe acide yndyrore të nevojshme për një skalp të shëndetshëm. Në vend të tyre mund të përdorni edhe fara kungulli, fara susami dhe fara lini për të zhdukur zbokthin natyrshëm.
Bananet
Përveçse ndihmojnë kundra presionit të lartë të gjakut dhe kapsllëkun, përfshirja e bananeve në dietë gjithashtu mban larg zbokthin, për shkak të vitaminave B që gjenden me bollëk tek ato. Mund t’ë shtypni një banane me pirun, ta aplikoni tek skalpi i kokës dhe ta shpëlani pas disa minutash.
Çaj xhinxheri
Konsumi i rregullt i çajit të xhinxherit nuk është i dobishëm vetëm për të menaxhuar problemet me tretjen, por gjithashtu edhe për t’u përballur me zbokthin. Kjo sepse një filxhan çaj xhinxheri përmban veti anti-kërpudhore dhe zbokthi shpesh lidhet me një infeksion kërpudhor në skalp.
Hudhra
Ka shumë probleme që hudhrat trajtojnë dhe një prej tyre është edhe zbokthi. Ashtu si xhinxheri, hudhra lufton infeksionet kërpudhore. Përveçse ta përdorni në kuzhinë mundet gjithashtu ta masazhoni tek skalpi i kokës një thelpi hudhër të copëtuar.
Për të rriturit që vuajnë nga intoleranca ndaj laktozës, konsumimi i qumështit të fermentuar mund të eliminojë ose të zvogëlojë ndjeshëm simptomat e këtij problemi. Studiuesit besojnë se mikroorganizmat e pranishëm në këtë produkt të fermentuar – i njohur...
Luleshtrydhet prishen shpejt, por me këtë truk të thjeshtë mund t’i mbani të freskëta për disa ditë më shumë: 1️⃣ Shpëlajini me uthull të holluar – Përzieni 1 filxhan uthull molle ose të bardhë me 3 filxhanë ujë dhe...
Nëse nuk keni një ndarës vezësh, ky truk i thjeshtë do t’ju ndihmojë: 1️⃣ Metoda e shishes plastike – Thyejeni vezën në një tas. Merrni një shishe plastike bosh, shtrydheni pak dhe vendoseni grykën mbi të verdhën. Lëshoni shtrëngimin...
Lini një koment