Qofte me perime dhe gjizë
Lani perimet në ujë të bollshëm. Më pas qërojini më kujdes lëkurën dhe filloni t’i prisni në copa të vogla rrethore. Mund edhe t’i grini me rende për të shkurtuar akoma dhe më shumë kohën e përgatitjes. Vini në...
Shqeto Përmeti
Kjo recetë dhe fotoja është marrë nga sunnykitchen_ Shijojeni këtë pjatë tradicionale dhe të famshme të qytetit të Përmetit!
Ingredientët
- 800 gram mish qengji ose keci
- 80 gram gjalpë
- 3 lugë gjelle me miell
- 1 gotë qumësht
- 1 tufë majdanoz të grirë imët
- 2 të verdha veze
- 1 kokër limon
- kripë, piper
Udhëzimet
1
Në një tenxhere vendosni mishin e mbuloni me ujë dhe lëreni të ziejë.
2
Pasi të jetë zier, në një enë tjetër shkrini gjalpin në zjarr të ëmbël, shtoni miellin duke e përzier me një rrahës teli që të mos krijohen kokrriza.
3
Hidhni qumështin pa e ndaluar përzierjen, pastaj shtoni lëngun e mishit ( të cilin e keni kulluar ) dhe lëreni në zjarr të avashtë .
4
Do shikoni që supa do bëhet kremoze. Hidhini kripë e piper sipas dëshirës dhe sapo të marrë valë, hiqeni nga zjarri.
5
Në një tas rrihni me një pirun të verdhat e vezës dhe lëngun e limonit.
6
Shtoni pak nga lëngu i mishit, duke e trazuar vazhdimisht, pastaj hidheni tek supa dhe lëreni sa të marrë një valë. Në fund shtoni edhe majdanozin e grirë imët dhe e shërbeni ! Ju bëftë mirë!
Lini një koment