Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Të buta dhe shumë të shijshme! Këto panine janë perfekte për fëmijët tuaj që nuk e hanë spinaqin
Ingredientët
- 250 gram spinaq
- 450 gram miell
- 1/2 gotë qumësht
- 100 ml ujë
- 1 lugë gjelle sheqer
- 4 gr maja birre
- 2 lugë gjelle vaj ulliri
- pak kripë
Udhëzimet
1
Në tavolinën e punës shtroni ½ e miellit. Në mes shtoni qumështin e ngrohtë, ujin dhe filloni gradualisht të punoni brumin.
2
Shtoni sheqerin, majanë dhe vajin.
3
Njëkohësisht duhet të lani spinaqin, ta pastroni dhe të vendosni për ta zierë sa të marrë një valë.
4
Më pas e kulloni dhe e shtrydhni fort për t’i hequr ujin.
5
E grini imët në një rende dhe e bashkoni me brumin.
6
Duke e punuar shtoni edhe sasinë tjetër të mbetur të miellit.
7
Punojeni mirë masën, e mbështillni me një peshqir kuzhine dhe e lini përreth 1 orë të pushojë në një vend të ngrohtë.
8
E ndani në 12 pjesë të vogla. I radhisni në një tavë ku keni vendosur më parë një letër kuzhine dhe e fusni në furrë për 25 minuta në temperaturë 180 gradë. Ju bëftë mirë!
Lini një koment