Paçe e Dibrës, si nga dora e gjyshes
Miellin e misrit e skuqim me gjalpë derisa të marrë ngjyrë kafe të çelur, më pas e shuajmë me lëng mishi dhe e përziejmë që të mos krijohen kokrriza. E lemë të ziejë për 10-15 minuta duke përgatitur një...
Tavë me penne, fileto pule dhe limon
Të hap oreksin kjo recetë!
Ingredientët
- 200 ml krem pana
- 3 lugë gjelle parmigiano i grirë
- 2 lugë gjelle majdanoz i grirë
- 1 pako penne
- 500 gram fileto pule
- 2 lugë gjelle vaj ulliri
- 1 qepë e vogël
- 2 lugë gjelle lëng limoni
- 1 lugë çaji lëkurë limoni
- 100 ml lëng pule
- djathë mozzarella
- Kripë dhe piper i zi
Udhëzimet
1
Vendosim 2 lugë gjelle vaj në tigan dhe sa të ngrohet shtojmë fileton e pulës të prerë në shirita.
2
Rregullojmë shijen me kripë dhe piper të zi. Kaurdisim mishin derisa të zverdhet. Largojmë mishin nga tigani.
3
Shtojmë në tigan 1 lugë gjelle vaj. Qepën të grirë shumë imët, e kaurdisim derisa të zbutet dhe e shuajmë me 2 lugë gjelle lëng limoni.
4
I shtoni edhe 1 lugë kafe lëkurë limoni, 1 filxhan kafe lëng pule, panën dhe e lëmë të valojë.
5
Shtoni gjithashtu edhe 3 lugë gjelle parmigiano të grirë, pak kripë e piper të zi, majdanozin e grirë hollë dhe mishin e pulës të skuqur.
6
I përziejmë mirë të gjitha.
7
Shtojmë makaronat gjysmë të ziera, i shtrojmë në një tavë dhe mbi makarona hedhim mozzarellën e copëtuar dhe pak parmigiano.
8
E vendosim tavën në furrë në temperaturë 180 gradë Celsius, për 15 minuta.
9
Në fund shtojmë sërish pak majdanoz dhe e servirim. Ju bëftë mirë!
Lini një koment