Fileto pule me perime të pjekura
Patatet, karrotat dhe specat i presim në copa të mëdha. I vendosim perimet në një tavë për pjekje dhe i spërkasim me vaj ulliri, kripë, piper, dhe rozmarinë të freskët. I përziejmë mirë dhe i pjekim në furrë të...
Kimë me vezë
Ju ka marrë malli për një kimë me vezë? Nëse po , njihuni më poshtë me recetën e përgatitjes së saj sipas teknikës së Zonjës Vjollca. Ajo gatuan çdo ditë në emisionin "Rreze Dielli", që transmetohet në Report Tv.
Ingredientët
- 4-5 kokrra qepë
- 1 karrotë
- 1 degë selino
- 400 gr mish i grirë
- 2-3 domate ose pure domate
- 1 filxhan kafe ujë
- Kripë dhe piper i zi
- 1 lugë kafe piper i kuq
- 4 kokrra vezë
- 4 lugë gjelle vaj ulliri
- Majdanoz
Udhëzimet
1
Vendosim një tigan të thellë me 4 lugë gjelle vaj ulliri. Sapo vaji të nxehet shtojmë qepën të prerë në fije të holla. E kaurdisim qepën deri sa ajo të tretet mirë. Shtojmë në të karrotën e grirë në rende, selinonë e prerë hollë dhe i kaurdisim së bashku.
2
Shtojmë mishin e grirë dhe i kaurdisim së bashku deri sa mishi të ndryshojë ngjyrë dhe të thërrmohet.
3
Shtojmë domatet e qëruara dhe të prera në kubikë. E lëmë të ziejë për 5 minuta, shtojmë piper të kuq, pak ujë e piper të zi.
4
I vendosim kapakun dhe e lëmë të ziejë për 5 minuta të tjera. Kur uji të ketë shteruar shtojmë vezët dhe mund të transferojmë kimën në furrë ose i vendosim kapakun dhe e lëmë deri sa veza të mpikset.
5
E servirim duke e spërkatur me pak vaj ulliri dhe majdanoz. Shijojeni!
Lini një koment