Si të bëjmë pispili me presh
Pasi grijmë imët pjesën e bardhë të preshit e kaurdisim me vaj ulliri. E lëmë derisa të ulë vëllimin, e spërkasim me kripë dhe piper dhe e lemë që të zbutet. Ndërkohë tek mielli i misrit shtojmë sodën e...
Tavë dheu
Pjatë tipike e qytetit të Tiranës. Kushdo mund ta përgatisë me këtë recetë të Nepsit!
Ingredientët
- 500 gram mish viçi (ose mëlçi viçi sipas preferencës)
- 3 domate
- 8 thelpinj hudhre
- dy lugë gjelle uthull (sipas preferencës)
- 300 gram gjizë
- 1-2 kokrra qepë
- vaj ulliri
- Spec djegës
- Kripë, piper
Udhëzimet
1
Në një tigan me vaj ulliri skuqni qepët e grira imët. Pasi janë zverdhur shtoni mishin e prerë në kubikë të vegjël. I lini të skuqen për disa minuta.
2
Shtoni uthullën dhe përziejeni derisa mishi ta thithë plotësisht.
3
Shtoni domatet e grira në rende, kripën, piperin, specin djegës dhe hudhrën.
4
I trazoni dhe shtoni gjizën së bashku me një gotë ujë.
5
I lini në zjarr derisa domatja të shkrijë plotësisht.
6
E heqim nga zjarri dhe nisim mbushjen e tavave të baltës. Tavat i vendosim në furrën e paranxehur dhe i lëmë të piqen maksimumi 25 minuta.
7
Tava e dheut serviret e ngrohtë, e sapo dalë nga furra. Ju bëftë mirë!
Lini një koment