Dreka/ RECETA

Shije e re, oreksi i njëjtë! Si thua për një byrek me oriz?

Shije e re, oreksi i njëjtë! Si thua për një byrek me oriz?

1 Star2 Stars3 Stars4 Stars5 Stars (No Ratings Yet)
Loading...
Persona: 5
Koha e përgatitjes: 20 minuta Koha e gatimit: 45 minuta

Ky byrek i veçantë me oriz është përgatitur nga e njohura zonja Katerina. Neps.al e sjell sot për të gjithë të interesuarit për një shije të re.

Ingredientët

  • 4-5 peta byreku
  • 2 filxhanë oriz
  • 2 qepë të thata
  • 2-3 qepë të njoma
  • 1 tufë koper
  • 1 tufë majdanoz
  • 2-3 vezë
  • 2 gota qumësht
  • 2 gota ujë
  • 5 lugë gjelle vaj ulliri
  • Kripë, piper

Udhëzimet

1

Grijmë qepët e thata dhe qepët e njoma imët.

2

Vendosim fillimisht qepët e thata të kaurdisen më pas shtojmë qepët e njoma dhe i kaurdisim për 1-2 minuta duke shtuar kripë dhe piper.

3

Më pas shtojmë orizin e larë, erëzat dhe ujin e ngrohtë. I përziejmë lehtë të gjithë përbërësit dhe i lemë sa të përthithen pak lëngjet.

4

Lyejmë një tavë me pak vaj, shtrojmë 2-3 peta dhe hedhim masën e përgatitur duke e hapur në të gjithë tavën.

5

Rrahim vezët me qumështin e ngrohtë dhe e shtojmë tek byreku duke tundur tavën që të depërtojë masa e lëngshme.

6

E mbulojmë me 1 ose 2 petë duke i rrudhosur (nëse petët i kemi hapur vetë do të na duhet vetëm 1 petë, nëse i kemi të gatshme përdorim 2 petë).

7

E spërkasim në fund byrekun me vaj dhe me pak qumësht ose ujë dhe e vendosim në furrë të piqet në temperaturën 180 gradë Celsius për 45-50 minuta.

You Might Also Like

No Comments

Leave a Reply